ye hausla tujhe mahtaab e jaan huaa kaise

Ye hausla tujhe mahtaab-e-jaan huaa kaise Ki khud ko saa.e se minhaa kiyaa bataa kaise Nazar to kya ki ye meenaa-e-dil bhee khaalee hai Lagegaa shahr men baazaar-e-khoon-bahaa kaise Mujhe khabar hai ki mausam naheen ye khvaahish kaa Mire labon pe ye Thahraa hai zaa.iqa kaise Khuda.ee nauha-kunaan thee ki aaj mimbar pe Ye tujh ko aayaa nazar kya mire sivaa kaise Ta.alluqaat ke taaveez bhee gale men naheen Malaal dekhne aayaa hai raasta kaise Qafas men meree panaahon ko dekh hairaan thaa Ki mere dil men thaa maqtal kaa zaa.icha kaise Havaa se jaise charaaghon kee lau bhaDaktee hai Bahut dinon men tujhe dekh ke hansaa kaise