ye kya khvaab tumhaare nikle aur azaab hamaare
— Kishwar Naheed
Ye kya khvaab tumhaare nikle aur azaab hamaare
Chhalkee-chhalkee aankhen lekin dil paayaab hamaare
Ye kya shahr ke phuul bhee poochhen rang-e-bahaar kee khaslat
Ye kya Khoon hamaaraa pahnen khud ahbaab hamaare
Ye kya bahte Dariya aankhen jalte sahraa paanv
Ye kya bujhaa.e ab ke dilon men bhee mahtaab hamaare
Ye kya tujh se poochh ke ab main apna haal bataa.oon
Ye kya apna rizq bhee teraa aur sailaab hamaare
Ye kya jin ko dekhnaa chaahen aur na dekhen un ko
Ye kya aankhen bhuul na paa.en sab aadaab hamaare
Ye kya mehr-o-mohabbat niklen qahr-e-dayaar ke qisse
Ye kya aankh jo dekhe us par lab gharqaab hamaare
Mere aangan meree khetee mujh kam-zaat see akkhaD
Tum zinda ki Toot ke bikhren kab a.asaab hamaare