zakhm bhi taaza thaa aur us pe havaa bhi taaza

Zakhm bhee taaza thaa aur us pe havaa bhee taaza Dil ne rakkhaa thaa magar rakhsh-e-duaa bhee taaza Tar-ba-tar hai mire haathon men vahee jaamunee rang Tum ne poochhaa thaa ki hotee hai ghaTaa bhee taaza Ab talak hai vahee jaltaa huaa sahraa vahee main Ab talak hai tapish-e-shauq-e-nidaa bhee taaza Kis bahaane se tujhe bhuul rahoon aur khush hoon Phir banaa legaa ye dil ek khuda bhee taaza Kis bahaane se main jaagoon tujhe DhoonDoon ab ke Ab to is sahn men Thahre na havaa bhee taaza Aa.ina maangtaa rahtaa hai vahee aks tiraa Aankh rakhtee hai tiraa rang-e-qabaa bhee taaza Bas bahut hausla rakhne kee kahaanee kah lee Raat ko phuul masaltee hai havaa bhee taaza