aabla paa koi guzraa thaa jo pichhle san men

Aabla-paa koee guzraa thaa jo pichhle san men Surkh kaanTon kee bahaar aa.ee hai ab ke ban men Dekhnaa rang-e-badan yaar ke pairaahan men Chaandnee duudh see chhiTkee hai mire aangan men Dekhnaa deeda-varo aamad-e-toofaan to naheen Tapkee hai dard kee ek buund mire daaman men Main ham-aaghosh-e-sanam thaa magar a peer-e-haram Ye shikan kaise paDee aap ke pairahan men Kuch na Kuch aaj aseeron ne kahaa to hai zaroor Ek ik gul se lipaTtee hai sabaa gulshan men Sahal itne bhee naheen ai sitam-eejaad ki ham Thaam lete hain garebaan divaane-pan men Sar tasleem naheen baazoo-e-qaatil kaa javaab Aakhirash maare ga.e khud bhee maseehaa an men Jaa rahe ho to zaraa dekhnaa tum bhee 'majrooh' Meree aankhen vaheen zindaan ke kisee rauzan men