aakhir gam e jaanaan ko ai dil badh kar gam e dauraan honaa thaa

Aakhir gham-e-jaanaan ko ai dil baDh kar gham-e-dauraan honaa thaa Is qatre ko bannaa thaa Dariya is mauj ko toofaan honaa thaa Har moD pe mil jaate hain abhee firdaus-o-jinaan ke shaidaa.ee Tujh ko to abhee Kuch aur haseen ai aalam-e-imkaan honaa thaa Wo jis ke gudaaz-e-mehnat se pur-noor shabistaan hai teraa Ai shokh usee baazoo pe tiree zulfon ko pareshaan honaa thaa Aatee hee rahee hai gulshan men ab ke bhee bahaar aa.ee hai to kya Hai yuun ki qafas ke goshon se elaan-e-bahaaraan honaa thaa Aayaa hai hamaare mulk men bhee ik daur-e-zulekhaa.ee yaanee Ab wo gham-e-zindaan dete hain jin ko gham-e-zindaan honaa thaa Ab khul ke kahoongaa har gham-e-dil 'majrooh' naheen wo vaqt ki jab Ashkon men sunaanaa thaa mujh ko aahon men ghazal-khvaan honaa thaa