ba naam e kuucha e dildaar gul barse ki sang aae

Ba-naam-e-koocha-e-dildaar gul barse ki sang aa.e Hansaa hai chaak-e-pairaahan na kyuun chehre pe rang aa.e Bachaate phirte aakhir kab talak dast-e-azeezaan se Unheen ko saunp kar ham to kulaah-e-naam-o-nang aa.e Hanso mat ahl-e-dil apnee see jaano bazm-e-khoobaan men Chale aa.e idhar ham bhee bahut jab dil se tang aa.e Kahaan sehn-e-chaman men baat koo-e-sar-faroshaan kee Idhar se saada-roo nikle udhar se laala-rang aa.e Karo 'majrooh' tab daar-o-rasan ke tazkire ham se Jab us qaamat ke saa.e men tumhen jiine kaa Dhang aa.e