daraa ke mauj o talaatum se ham nashiinon ko

Daraa ke mauj-o-talaatum se ham-nasheenon ko Yahee to hain jo Duboyaa kiye safeenon ko Jamaal-e-sub.h diyaa roo-e-nau-bahaar diyaa Miree nigaah bhee deta khuda haseenon ko Hamaaree raah men aa.e hazaar mai-khaane Bhulaa sake na magar hosh ke qareenon ko Kabhi nazar bhee uThaa.ee na soo-e-baada-e-naab Kabhi chaDhaa ga.e pighlaa ke aabgeenon ko Yahee jahaan hai jahannam yahee jahaan firdaus Bataao aalam-e-baalaa ke sair-beenon ko Hue hain qaafile zulmat kee vaadiyon men ravaan Charaagh-e-raah kiye khoon-chakaan jabeenon ko Tujhe na maane koi tujh ko is se kya 'majrooh' Chal apnee raah bhaTakne de nukta-cheenon ko