duur duur mujh se wo is tarah khiraamaan hai
— Majrooh Sultanpuri
Duur duur mujh se wo is tarah khiraamaan hai
Har qadam hai naqsh-e-dil har nigah rag-e-jaan hai
Ban ga.ee hai mastee men dil kee baat hangaama
Qatra thee jo saaghar men lab tak aa ke toofaan hai
Ham to paa-e-jaan par kar bhee aa.e ik sajda
Sochtee rahi dunya kufr hai ki eemaan hai
Mere shikva-e-gham se aalam-e-nadaamat men
Is lab-e-tabassum par sham.a see farozaan hai
Ye niyaaz-e-gham-khvaaree ye shikast-e-dildaaree
Bas navaazish-e-jaanaan dil bahut pareshaan hai
Muntazir hain phir mere haadse zamaane ke
Phir miraa junoon teree bazm men ghazal-khvaan hai
Fikr kya unhen jab too saath hai aseeron ke
Ai gham-e-aseeree too khud shikast-e-zindaan hai
Apnee apnee himmat hai apna apna dil 'majrooh'
Zindagee bhee arzaan hai maut bhee faraavaan hai
Dur dur mujh se wo is tarah KHiraman hai
Har qadam hai naqsh-e-dil har nigah rag-e-jaan hai
Ban gai hai masti mein dil ki baat hangama
Qatra thi jo saghar mein lab tak aa ke tufan hai
Hum to pa-e-jaan par kar bhi aae ek sajda
Sochti rahi duniya kufr hai ki iman hai
Mere shikwa-e-gham se aalam-e-nadamat mein
Is lab-e-tabassum par shama si farozan hai
Ye niyaz-e-gham-KHwari ye shikast-e-dildari
Bas nawazish-e-jaanan dil bahut pareshan hai
Muntazir hain phir mere hadse zamane ke
Phir mera junun teri bazm mein ghazal-KHwan hai
Fikr kya unhen jab tu sath hai asiron ke
Ai gham-e-asiri tu KHud shikast-e-zindan hai
Apni apni himmat hai apna apna dil 'majruh'
Zindagi bhi arzan hai maut bhi farawan hai