go raat mirii subh ki mahram to nahin hai

Go raat miree sub.h kee mahram to naheen hai Sooraj se tiraa rang-e-hinaa kam to naheen hai Kuch zakhm hee khaa.en chalo Kuch gul hee khilaa.en Har-chand bahaaraan kaa ye mausam to naheen hai Chaahe wo kisee kaa ho lahoo daaman-e-gul par Sayyaad ye kal raat kee shabnam to naheen hai Itnee bhee hamen bandish-e-gham kab thee gavaaraa Parde men tiree kaakul-e-pur-kham to naheen hai Ab kaargah-e-dahr men lagtaa hai bahut dil Ai dost kaheen ye bhee tiraa gham to naheen hai Sahraa men bagoolaa bhee hai 'majrooh' sabaa bhee Ham saa koee aavaara-e-aalam to naheen hai