ham hain mata e kuucha o baazaar ki tarah

Ham hain mata-e-koocha-o-baazaar kee tarah UThtee hai har nigaah khareedaar kee tarah Is koo-e-tishnagee men bahut hai ki ek jaam Haath aa gaya hai daulat-e-bedaar kee tarah Wo to kaheen hai aur magar dil ke aas-paas Phirtee hai koi shai nigah-e-yaar kee tarah Seedhee hai raah-e-shauq pe yoonhee kaheen kaheen Kham ho ga.ee hai gesoo-e-dildaar kee tarah Be-tesha-e-nazar na chalo raah-e-raftagaan Har naqsh-e-paa buland hai deevaar kee tarah Ab jaa ke Kuch khulaa hunar-e-naakhun-e-junoon Zakhm-e-jigar hue lab-o-rukhsaar kee tarah 'majrooh' likh rahe hain wo ahl-e-wafa kaa naam Ham bhee khaDe hue hain gunahgaar kee tarah