is baag men wo sang ke qaabil kahaa na jaae

Is baagh men wo sang ke qaabil kahaa na jaa.e Jab tak kisee samar ko miraa dil kahaa na jaa.e Shaakhon pe nok-e-tegh se kya kya khile hain phuul Andaaz-e-laala-kaaree-e-qaatil kahaa na jaa.e Kis ke lahoo ke rang hain ye khaar shokh-rang Kya gul katar ga.ee rah-e-manzil kahaa na jaa.e Baaraan ke muntazir hain samundar pe tishna-lab Ahvaal-e-mezbaanee-e-saahil kahaa na jaa.e Mere hee sang-o-khisht se ta.ameer-e-baam-o-dar Mere hee ghar ko shahr men shaamil kahaa na jaa.e Zindaan khulaa hai jab se hue hain rihaa asiir Har gaam hai wo shor-e-salaasil kahaa na jaa.e Ham ahl-e-ishq men naheen harf-e-gunah se kam Wo harf-e-shauq jo sar-e-mahfil kahaa na jaa.e Jis haath men hai tegh-e-jafaa us kaa naam lo 'majrooh' se to saa.e ko qaatil kahaa na jaa.e