jab huaa irfaan to gam aaraam e jaan bantaa gaya

Jab huaa irfaan to gham aaraam-e-jaan bantaa gaya Soz-e-jaanaan dil men soz-e-deegaraan bantaa gaya Rafta rafta munqalib hotee ga.ee rasm-e-chaman Dheere dheere naghma-e-dil bhee fughaan bantaa gaya Main akelaa hee chalaa thaa jaanib-e-manzil magar Log saath aate ga.e aur kaarvaan bantaa gaya Main to jab jaanoon ki bhar de saaghar-e-har-khaas-o-aam Yuun to jo aayaa vahee peer-e-mughaan bantaa gaya Jis taraf bhee chal paDe ham aabla-paayaan-e-shauq Khaar se gul aur gul se gulsitaan bantaa gaya Sharh-e-gham to mukhtasar hotee ga.ee us ke huzoor Lafz jo munh se na niklaa daastaan bantaa gaya Dahr men 'majrooh' koi jaavedaan mazmoon kahaan Main jise chhootaa gaya wo jaavedaan bantaa gaya