jis dam ye sunaa hai subh e vatan mahbuus fazaa e zindaan men

Jis dam ye sunaa hai sub.h-e-vatan mahboos fazaa-e-zindaan men Jaise ki sabaa ai ham-qafso betaab ham aa.e zindaan men Ho tegh-e-asar zanjeer-e-qadam phir bhee hain naqeeb-e-manzil ham Zakhmon se charaagh-e-raahguzar baiThe hain jalaa.e zindaan men Sad-chaak qabaa-e-amn-o-sukoon uryaan hai ahinsaa.ee kaa junoon Kuch Khoon se shaheedon ne apne wo gul hain khilaa.e zindaan men Ye jabr-e-siyaasat ye insaan mazloom aahen majboor fughaan Zakhmon kee mahak daaghon kaa dhuaan mat poochh fazaa-e-zindaan men Ghairon kee khalish apnon kee lagan soz-e-gham-e-jaanaan dard-e-vatan Kya kahiye ki ham hain kis kis ko siine se lagaa.e zindaan men Gul bantee hai shaayad khaak-e-vatan shaayad ki safar kartee hai khizaan Khushbu-e-bahaaraan miltee hai Kuch din se havaa-e-zindaan men Mujrim the jo ham so qaid hue sayyaad magar ab ye to bataa Har vaqt ye kis ko DhoonDte hain deevaar ke saa.e zindaan men Jismon pe ye kis kaa naam-e-siyah likh dete hain koDon ke nishaan Hain taak men kis kee zanjeeren ab aankh lagaa.e zindaan men Raftaar-e-zamaana lai jin kee gaatee hai gul-e-naghma jin kaa Ham gaate hain un aavaazon se awaaz milaa.e zindaan men