jo samjhaate bhi aa kar vaaiz e barham to kya karte

Jo samjhaate bhee aa kar vaa.iz-e-barham to kya karte Ham is Dunya ke aage us jahaan kaa gham to kya karte Haram se mai-kade tak manzil-e-yak-umr thee saaqee Sahaaraa gar na detee laghzish-e-paiham to kya karte Jo miTTee ko mizaaj-e-gul ataa kar den wo ai vaa.iz Zameen se duur fikr-e-jannat-e-aadam to kya karte Savaal un kaa javaab un kaa sukoot un kaa khitaab un kaa Ham un kee anjuman men sar na karte kham to kya karte Jahaan 'majrooh' dil ke hausle TooTen nigaahon se Vahaan karte bhee marg-e-shauq kaa maatam to kya karte