khanjar ki tarah buu e saman tez bahut hai

Khanjar kee tarah boo-e-saman tez bahut hai Mausam kee havaa ab ke junoon-khez bahut hai Raas aa.e to hai Chaaon bahut barg o shajar kee Haath aa.e to har shaakh samar-rez bahut hai Logo miree gul-kaari-e-vahshat kaa sila kya Deevaane ko ik harf-e-dil-aavez bahut hai Mun.im kee tarah peer-e-haram piite hain wo jaam Rindon ko bhee jis jaam se parhez bahut hai Masloob huaa koi sar-e-raah-e-tamannaa Awaaz-e-jaras pichhle pahar tez bahut hai 'majrooh' sune kaun tiree talkh-navaa.ee Guftaar-e-azeezaan shakar-aamez bahut hai