mire piichhe ye to muhaal hai ki zamaana garm e safar na ho

Mire peechhe ye to muhaal hai ki zamaana garm-e-safar na ho Ki naheen miraa koee naqsh-e-paa jo charaagh-e-raahguzar na ho Rukh-e-tegh se jo na ho kabhee sahar aisee koee naheen miree Naheen aisee ek bhee shaam jo tah-e-zulf-e-daar basar na ho Mire haath hain to loongaa khud main ab apna saaqi-e-mai-kada Khum-e-ghair se to khuda kare lab-e-jaam bhee miraa tar na ho Main hazaar shakl badal chukaa chaman-e-jahaan men sun ai sabaa Ki jo phuul hai tire haath men ye miraa hee lakht-e-jigar na ho Jinhen sab samajhte hain mehr o mah na hon sirf chand nuqoosh-e-paa Jise kahte hain kurra-e-zameen faqat ek sang-e-safar na ho Tire paa zameen pe ruke ruke tiraa sar falak pe jhukaa jhukaa Koee tujh se bhee hai azeem-tar yahee vahm tujh ko magar na ho Shab-e-zulm nargha-e-raahzan se pukaartaa hai koee mujhe Main faraaz-e-daar se dekh luun kaheen kaarvaan-e-sahar na ho