taqdiir kaa shikva be maanii jiinaa hi tujhe manzuur nahin

Taqdeer kaa shikva be-ma.anee jiinaa hee tujhe manzoor naheen Aap apna muqaddar ban na sake itnaa to koee majboor naheen Ye mahfil-e-ahl-e-dil hai yahaan ham sab mai-kash ham sab saaqee Tafreeq karen insaanon men is bazm kaa ye dastoor naheen Jannat ba-nigah tasneem ba-lab andaaz us ke ai shaikh na poochh Main jis se mohabbat kartaa hoon insaan hai khayaalee huur naheen Wo kaun see sub.hen hain jin men bedaar naheen afsoon teraa Wo kaun see kaalee raaten hain jo mere nashe men chuur naheen Sunte hain ki kaanTe se gul tak hain raah men laakhon veeraane Kahtaa hai magar ye azm-e-junoon sahraa se gulistaan duur naheen 'majrooh' uThee hai mauj-e-sabaa aasaar liye toofaanon ke Har qatra-e-shabnam ban jaa.e ik joo-e-ravaan Kuch duur naheen