tujhe kya sunaauun main dilrubaa tire saamne miraa haal hai
— Majrooh Sultanpuri
Tujhe kya sunaa.oon main dilrubaa tire saamne miraa haal hai
Tiree ik nigaah kee baat hai miree zindagee kaa savaal hai
Miree har khushee tire dam se hai miree zindagee tire gham se hai
Tire dard se rahe be-khabar mire dil kee kab ye majaal hai
Tire husn par hai miree nazar mujhe sub.h shaam kee kya khabar
Miree shaam hai tiree justujoo meree sub.h teraa khayaal hai
Mire dil jigar men samaa bhee jaa rahe kyon nazar kaa bhee faasla
Ki tire baghair to jaan-e-jaan mujhe zindagee bhee muhaal hai