ye ruke ruke se aansuu ye dabii dabii sii aahen
— Majrooh Sultanpuri
Ye ruke ruke se aansoo ye dabee dabee see aahen
Yoonhee kab talak khudaayaa gham-e-zindagee nibaahen
Kaheen zulmaton men ghir kar hai talaash-e-dasht-e-rahbar
Kaheen jagmagaa uThee hain mire naqsh-e-paa se raahen
Tire khaanumaan-kharaabon kaa chaman koee na sahraa
Ye jahaan bhee baith jaa.en vaheen in kee baargaahen
Kabhee jaada-e-talab se jo phiraa hoon dil-shikasta
Tiree aarzoo ne hans kar vaheen Daal dee hain baanhen
Mire ahd men naheen hai ye nishaan-e-sar-bulandee
Ye range hue amaame ye jhukee jhukee kulaahen