badh gaya baada e gul guun kaa mazaa aakhir e shab

BaDh gaya baada-e-gul-goon kaa mazaa aakhir-e-shab Aur bhee surkh hai rukhsaar-e-hayaa aakhir-e-shab Manzilen ishq kee aasaan huiin chalte chalte Aur chamkaa tiraa naqsh-e-kaf-e-paa aakhir-e-shab KhaTkhaTaa jaataa hai zanjeer-e-dar-e-mai-khaana Koee deevaana koee aabla-paa aakhir-e-shab Saans ruktee hai chhalakte hue paimaane men Koee letaa thaa tiraa naam-e-wafa aakhir-e-shab Gul hai qindeel-e-haram gul hain kaleesaa ke charaagh Soo-e-paimaana baDhe dast-e-duaa aakhir-e-shab Haa.e kis dhuum se niklaa hai shaheedon kaa juloos Jurm chup sar-ba-garebaan hai jafaa aakhir-e-shab Isee andaaz se phir sub.h kaa aanchal Dhalke Isee andaaz se chal baad-e-sabaa aakhir-e-shab