guluu e yazdaan men nok e sinaan bhi tuutii hai

Guloo-e-yazdaan men nok-e-sinaan bhee TuuTee hai Kashaakash-e-dil-e-paigham-baraan bhee TuuTee hai Saraab hai ki haqeeqat nazaara ki fareb Yaqeen bhee TuuTaa hai tarz-e-gumaan bhee TuuTee hai Siyaasat-e-dil-aa.eena chuur chuur to thee Siyaasat-e-dil-e-aahan-garaan bhee TuuTee hai Andheree raat kaa ye neem-baaz sannaaTaa Gulon kee saans rag-e-gulsitaan bhee TuuTee hai Tumhaare jism kaa sooraj jahaan jahaan TuuTaa Vaheen vaheen miree zanjeer-e-jaan bhee TuuTee hai Kahaan hain aalam-e-imkaan vajood men aa.en Nazar nazar hee rahee hai jahaan bhee TuuTee hai Shikast-o-rekht zamaane kee khuub hai 'makhdoom' Khudee to TuuTee thee khoo-e-butaan bhee TuuTee hai