siimaab vashii tishna labii baa khabarii hai

Seemaab-vashee tishna-labee baa-khabaree hai Is dasht men gar rakht-e-safar hai to yahee hai Is shahr men ik aahoo-e-khush-chashm se ham ko Kam kam hee sahee nisbat-e-paimaana rahee hai Be-sohbat-e-rukhsaar andheraa hee andheraa Go jaam vahee mai vahee mai-khaana vahee hai Is ahd men bhee daulat-e-kaunain ke baa-vasf Har gaam pe un kee jo kamee thee so kamee hai Har dam tire anfaas kee garmee kaa gumaan hai Har yaad tiree yaad ke phoolon men basee hai Har shaam sajaa.e hain tamannaa ke nasheman Har sub.h mai-e-talkhee-e-ayyaam bhee pee hai DhaDkaa hai dil-e-zaar tire zikr se pahle Jab bhee kisee mahfil men tiree baat chalee hai Wo itr tiree kaakul-e-shab-rang ne chhiDkaa Mahkee hai khirad ruuh kalee ban ke khilee hai