tere diivaane tirii chashm o nazar se pahle
— Makhdoom Mohiuddin
Tere deevaane tiree chashm o nazar se pahle
Daar se guzre tiree raahguzar se pahle
Bazm se duur wo gaataa raha tanhaa tanhaa
So gaya saaz pe sar rakh ke sahar se pahle
Is andhere men ujaalon kaa gumaan tak bhee na thaa
Sho.ala-roo sho.ala-navaa shola-nazar se pahle
Kaun jaane ki ho kya rang-e-sahar rang-e-chaman
Mai-kada raqs men hai pichhle pahar se pahle
Nik.hat-e-yaar se aabaad hai har kunj-e-qafas
Mil ke aa.ee hai sabaa us gul-e-tar se pahle