usii chaman men chalen jashn e yaad e yaar karen

Usee chaman men chalen jashn-e-yaad-e-yaar karen Dilon ko chaak garebaan ko taar-taar karen Shameem-e-pairahan-e-yaar kya nisaar karen Tujhee ko dil se lagaa len tujhee ko pyaar karen Sunaatee phirtee hain aankhen kahaaniyaan kya kya Ab aur kya kahen kis kis ko sogvaar karen UTho ki fursat-e-deevaangee ghaneemat hai Qafas ko le ke uDen gul ko ham-kanaar karen Kamaan-e-abru-e-khoobaan kaa baankpan hai ghazal Tamaam raat ghazal gaa.en deed-e-yaar karen