zindagii motiyon ki dhalaktii ladii zindagii rang e gul kaa bayaan dosto

Zindagee motiyon kee Dhalaktee laDee zindagee rang-e-gul kaa bayaan dosto Gaah rotee huee gaah hanstee huee meree aankhen hain afsaana-khvaan dosto Hai usee ke jamaal-e-nazar kaa asar zindagee zindagee hai safar hai safar Saaya-e-shaakh-e-gul shaakh-e-gul ban gaya ban gaya abr abr-e-ravaan dosto Ik mahaktee bahaktee huee raat hai laDkhaDaatee nigaahon kee saughaat hai PankhuDee kee zabaan phuul kee daastaan us ke honTon kee parchhaa.iyaan dosto Kaise tai hogee ye manzil-e-shaam-e-gham kis tarah se ho dil kee kahaanee raqam Ik hathelee men dil ik hathelee men jaan ab kahaan kaa ye sood-o-ziyaan dosto Dosto ek do jaam kee baat hai dosto ek do gaam kee baat hai Haan usee ke dar-o-baam kee baat hai baDh na jaa.en kaheen dooriyaan dosto Sun raha hoon havaadis kee awaaz ko paa raha hoon zamaane ke har raaz ko Dosto uTh raha hai dilon se dhuaan aankh lene lagee hichkiyaan dosto