chalte ho to chaman ko chaliye kahte hain ki bahaaraan hai
— Meer Taqi Meer
Chalte ho to chaman ko chaliye kahte hain ki bahaaraan hai
Paat hare hain phuul khile hain kam-kam baad-o-baaraan hai
Rang havaa se yuun Tapke hai jaise sharaab chuvaate hain
Aage ho mai-khaane ke niklo ahd-e-baada-gusaaraan hai
Ishq ke maidaan-daaron men bhee marne kaa hai vasf bahut
Ya.anee museebat aisi uThaanaa kaar-e-kaar-guzaaraan hai
Dil hai daagh jigar hai TukDe aansoo saare Khoon hue
Lohoo paanee ek kare ye ishq-e-laala-azaaraan hai
Kohkan o majnoon kee khaatir dasht-o-koh men ham na ga.e
Ishq men ham ko 'meer' nihaayat paas-e-izzat-daaraan hai