gam raha jab tak ki dam men dam raha

Gham raha jab tak ki dam men dam raha Dil ke jaane kaa nihaayat gham raha Husn thaa teraa bahut aalam-fareb Khat ke aane par bhee ik aalam raha Dil na pahunchaa gosha-e-daamaan talak Qatra-e-khoon thaa mizha par jam raha Sunte hain lailaa ke kheme ko siyaah Us men majnoon kaa magar maatam raha Jaama-e-ehraam-e-zaahid par na jaa Thaa haram men lek naa-mahram raha Zulfen kholeen to too Tuk aayaa nazar Umr bhar yaan kaam-e-dil barham raha Us ke lab se talkh ham sunte rahe Apne haq men aab-e-haivaan sam raha Mere rone kee haqeeqat jis men thee Ek muddat tak wo kaaghaz nam raha Sub.h-e-peeree shaam hone aa.ee 'meer' Too na chetaa yaan bahut din kam raha