hamaare aage tiraa jab kisuu ne naam liyaa

Hamaare aage tiraa jab kisoo ne naam liyaa Dil-e-sitam-zada ko ham ne thaam thaam liyaa Qasam jo khaa.iye to taala-e-zulekhaa kee Azeez-e-misr kaa bhee saahab ik ghulaam liyaa Kharaab rahte the masjid ke aage mai-khaane Nigaah-e-mast ne saaqee kee intiqaam liyaa Wo kaj-ravish na milaa raaste men mujh se kabhi Na seedhee tarah se un ne miraa salaam liyaa Mazaa dikhaavenge be-rahmee kaa tiree sayyaad Gar iztiraab-e-aseeree ne zer-e-daam liyaa Mire saleeqe se meree nibhee mohabbat men Tamaam umr main naakaamiyon se kaam liyaa Agarche gosha-guzeen hoon main shaa.iron men 'meer' Pa mere shor ne roo-e-zameen tamaam liyaa