is ahd men ilaahii mohabbat ko kya huaa

Is ahd men ilaahee mohabbat ko kya huaa ChhoDaa wafa ko un ne muravvat ko kya huaa Ummid-vaar-e-waada-e-deedaar mar chale Aate hee aate yaaro qayaamat ko kya huaa Kab tak tazallum aah bhalaa marg ke ta.iin Kuch pesh aayaa vaaqi.a rahmat ko kya huaa Us ke ga.e par aise ga.e dil se ham-nasheen Ma.aloom bhee huaa na ki taaqat ko kya huaa Bakhshish ne mujh ko abr-e-karam kee kiyaa khajil Ai chashm josh-e-ashk-e-nadaamat ko kya huaa Jaataa hai yaar tegh-ba-kaf ghair kee taraf Ai kushta-e-sitam tiree ghairat ko kya huaa Thee sa.ab aashiqee kee badaayat hee 'meer' par Kya jaaniye ki haal-e-nihaayat ko kya huaa