munh takaa hi kare hai jis tis kaa
— Meer Taqi Meer
Munh takaa hee kare hai jis tis kaa
Hairatee hai ye aa.eena kis kaa
Shaam se Kuch bujhaa saa rahtaa hoon
Dil huaa hai charaagh muflis kaa
The bure mughbachon ke tevar lek
Shaikh mai-khaane se bhalaa khiskaa
Daagh aankhon se khil rahe hain sab
Haath dasta huaa hai nargis kaa
Bahr kam-zarf hai basaan-e-habaab
Kaasa-lais ab huaa hai too jis kaa
Faiz ai abr chashm-e-tar se uThaa
Aaj daaman vasee.a hai is kaa
Taab kis ko jo haal-e-'meer' sune
Haal hee aur Kuch hai majlis kaa