pattaa pattaa buutaa buutaa haal hamaaraa jaane hai

Pattaa pattaa buuTaa buuTaa haal hamaaraa jaane hai Jaane na jaane gul hee na jaane baagh to sara jaane hai Lagne na de bas ho to us ke gauhar-e-gosh ko baale tak Us ko falak chashm-e-mah-o-khur kee putlee kaa taaraa jaane hai Aage us mutakabbir ke ham khuda khuda kiyaa karte hain Kab maujood khuda ko wo maghroor-e-khud-aaraa jaane hai Aashiq saa to saada koi aur na hogaa Dunya men Jee ke ziyaan ko ishq men us ke apna vaaraa jaane hai Chaaragaree beemaari-e-dil kee rasm-e-shahr-e-husn nahin Varna dilbar-e-naadaan bhee is dard kaa chaara jaane hai Kya hee shikaar-farebee par maghroor hai wo sayyaad bacha Taa.ir Udhte havaa men saare apne asaaraa jaane hai Mehr o wafa o lutf-o-inaayat ek se vaaqif in men nahin Aur to sab Kuch tanz o kinaaya ramz o ishaara jaane hai Kya kya fitne sar par us ke laataa hai maashooq apna Jis be-dil be-taab-o-tavaan ko ishq kaa maaraa jaane hai Rakhnon se deevaar-e-chaman ke munh ko le hai chhupaa yaa'nee In sooraakhon ke Tuk rehne ko sau kaa nazaara jaane hai Tishna-e-khoon hai apna kitnaa 'meer' bhee naadaan talkhee-kash Dam-daar aab-e-tegh ko us ke aab-e-gavaaraa jaane hai