ranj khiinche the daag khaae the

Ranj kheenche the daagh khaa.e the Dil ne sadme baDe uThaa.e the Paas-e-naamoos-e-ishq thaa varna Kitne aansoo palak tak aa.e the Vahee samjhaa na varna ham ne to Zakhm chhaatee ke sab dikhaa.e the Ab jahaan aaftaab men ham hain Yaan kabhoo sarv o gul ke saa.e the Kuch na samjhe ki tujh se yaaron ne Kis tavaqqo.a pe dil lagaa.e the Fursat-e-zindagee se mat poochho Saans bhee ham na lene paa.e the 'meer' saahab rulaa ga.e sab ko Kal ve tashreef yaan bhee laa.e the