aah ko chaahiye ik umr asar hote tak

Aah ko chaahiye ik umr asar hote tak Kaun jiitaa hai tiree zulf ke sar hote tak Daam-e-har-mauj men hai halqa-e-sad-kaam-e-nahang Dekhen kyaa guzre hai qatre pe guhar hote tak Aashiqee sabr-talab aur tamannaa betaab Dil kaa kyaa rang karoon khoon-e-jigar hote tak Ham ne maanaa ki taghaaful na karoge lekin Khaak ho jaa.enge ham tum ko khabar hote tak Partav-e-khur se hai shabnam ko fanaa kee ta.aleem Main bhee huun ek inaayat kee nazar hote tak Yak nazar besh naheen fursat-e-hastee ghaafil Garmee-e-bazm hai ik raqs-e-sharar hote tak Gham-e-hastee kaa 'asad' kis se ho juz marg ilaaj Sham.a har rang men jaltee hai sahar hote tak Taa-qayaamat shab-e-furqat men guzar jaa.egee umr Saat din ham pe bhee bhaaree hain sahar hote tak