baag paa kar khafaqaanii ye daraataa hai mujhe

Baagh paa kar khafaqaanee ye Daraataa hai mujhe Saaya-e-shaakh-e-gul af'ee nazar aataa hai mujhe Jauhar-e-tegh ba-sar-chashma-e-deegar ma.aloom Huun main vo sabza ki zahraab ugaataa hai mujhe Mudda'aa mahv-e-tamaashaa-e-shikast-e-dil hai Aa.ina-khaana men koee liye jaataa hai mujhe Naala sarmaaya-e-yak-aalam o aalam kaf-e-khaak Aasmaan baiza-e-qumree nazar aataa hai mujhe Zindagee men to vo mahfil se uThaa dete the Dekhoon ab mar ga.e par kaun uThaataa hai mujhe Baagh tujh bin gul-e-nargis se Daraataa hai mujhe Chaahoon gar sair-e-chaman aankh dikhaataa hai mujhe Shor-e-timsaal hai kis rashk-e-chaman kaa yaa rab Aa.ina baiza-e-bulbul nazar aataa hai mujhe Hairat-e-aa.ina anjaam-e-junoon huun jyuun sham' Kis qadar daagh-e-jigar sho'la uThaataa hai mujhe Main huun aur hairat-e-jaaved magar zauq-e-khayaal Ba-fusoon-e-nigah-e-naaz sataataa hai mujhe Hairat-e-fikr-e-sukhan saaz-e-salaamat hai 'asad' Dil pas-e-zaanoo-e-aa.eena biThaataa hai mujhe