biim e raqiib se nahiin karte vidaa e hosh

Beem-e-raqeeb se naheen karte vidaa'-e-hosh Majboor yaan talak hue ai ikhtiyaar haif Jaltaa hai dil ki kyuun na ham ik baar jal ga.e Ai naa-tamaami-e-nafas-e-shola-baar haif Naama bhee likhte ho to ba-khat-e-ghubaar haif Rakhte ho mujh se itnee kudoorat hazaar haif Besh az nafas butaan ke karam ne vafaa na kee Thaa mahmil-e-nigaah ba-dosh-e-sharaar haif Thee mere hee jalaane ko ai aah-e-sho'la-rez Ghar par paDaa na ghair ke koee sharaar haif Gul chehra hai kisee khafaqaanee mizaaj kaa Ghabraa rahee hai beem-e-khizaan se bahaar haif Hain mary musht-e-khaak se us ko kudooraten Paa.ee jagah bhee dil men to ho kar ghubaar haif Bantaa 'asad' main surma-e-chashm-e-rikaab-e-yaar Aayaa na meree khaak pe vo shah-savaar haif