chaak kii khvaahish agar vahshat ba uryaanii kare

Chaak kee khvaahish agar vahshat ba-uryaanee kare Sub.h ke maanind zakhm-e-dil garebaanee kare Jalve kaa tere vo 'aalam hai ki gar kiije khayaal Deeda-e-dil ko ziyaarat-gaah-e-hairaanee kare Hai shikastan se bhee dil naumeed yaa-rab kab talak Aabgeena koh par arz-e-giraan-jaanee kare Mai-kada gar chashm-e-mast-e-naaz se paave shikast Moo-e-sheesha deeda-e-saaghar kee mizhgaanee kare Khatt-e-aariz se likhaa hai zulf ko ulfat ne 'ahd Yak-qalam manzoor hai jo kuchh pareshaanee kare Haath par gar haath maare yaar vaqt-e-qahqaha Kirmak-e-shab-taab-aasaa mah par-afshaanee kare Vaqt us uftaada kaa khush jo qanaa'at se asad Naqsh-paa-e-mor ko takht-e-sulaimaanee kare