chashm e khuubaan khaamushii men bhii navaa pardaaz hai

Chashm-e-khoobaan khaamushee men bhee navaa-pardaaz hai Surma to kahve ki dood-e-sho.ala-e-aavaaz hai Paikar-e-ushshaaq saaz-e-taala-e-naa-saaz hai Naala goyaa gardish-e-saiyyaara kee aavaaz hai Dast-gaah-e-deeda-e-khoon-baar-e-majnoon dekhnaa Yak-bayaabaan jalva-e-gul farsh-e-paa-andaaz hai Chashm-e-khoobaan mai-farosh-e-nashshah-zaar-e-naaz hai Surma goyaa mauj-e-dood-e-shola-e-aavaaz hai Hai sareer-e-khaama rezish-haa-e-istiqbaal-e-naaz Naama khud paighaam ko baal-o-par-e-parvaaz hai Sar-navisht-e-iztiraab-anjaami-e-ulfat na poochh Naal-e-khaama khaar-khaar-e-khaatir-e-aaghaaz hai Naala-e-dil naghma-rezaan hai ba-mizraab-e-khayaal Rishta-e-paa yaan navaa-saamaan-e-band-e-saaz hai Sharm hai tarz-e-talaash-e-intikhaab-e-yak-nigaah Iztiraab-e-chashm barpaa dokhta-ghammaaz hai Shokhi-e-iz.haar ko juz vahshat-e-majnoon 'asad' Bas-ki lailaa-e-sukhan mahmil-nasheen-e-raaz hai