gam nahiin hotaa hai aazaadon ko besh az yak nafas

Gham naheen hotaa hai aazaadon ko besh az-yak-nafas Barq se karte hain raushan sham-e-maatam-khaana ham Mahfilen barham kare hai ganjifa-baaz-e-khayaal Hain varaq-gardaanee-e-nairang-e-yak-but-khaana him ham Baavajood-e-yak-jahaan hangaama paidaa.ee naheen Hain charaaghaan-e-shabistaan-e-dil-e-parvaana ham Zo'f se hai ne qanaa'at se ye tark-e-justujoo Hain vabaal-e-takiya-gaah-e-himmat-e-mardaana ham Daa.im-ul-habs is men hain laakhon tamannaa.en 'asad' Jaante hain seena-e-pur-khoon ko zindaan-khana ham Bas-ki hain bad-mast-e-ba-shikan ba-shikan-e-mai-khaana ham Moo-e-sheesha ko samajhte hain khat-e-paimaana ham Bas-ki har-yak-moo-e-zulf-afshaan se hai taar-e-shuaa.a Panja-e-khursheed ko samjhe hain dast-e-shaana ham Hai farogh-e-maah se har mauj ik tasveer-e-chaak Sail se farsh-e-kataan karte hain taa-veeraana ham Mashq-e-az-khud-raftagee se hain ba-gulzaar-e-khayaal Aashnaa tabeer-e-khvaab-e-sabza-e-begaana ham Fart-e-be-khvaabee se hain shab-haa-e-hijr-e-yaar men Juun zabaan-e-sham.a daagh-e-garmi-e-afsaana ham Jaante hain joshish-e-saudaa-e-zulf-e-yaar men Sumbul-e-baaleeda ko moo-e-sar-e-deevaana ham Bas-ki vo chashm-o-charaag-e-mahfil-e-aghyaar hai Chupke-chupke jalte hain juun sham-e-maatam-khaana ham Shaam-e-gham men soz-e-ishq-e-aatish-e-rukhsaar se Par-fashaan-e-sokhtan hain soorat-e-parvaana ham Rahte hain afsurdagee se sakht be-dardaana ham Sho'la-haa nazr-e-samundar balki aatish-khaana ham Hasrat-e-arz-e-tamannaa yaan se samjhaa chaahiye Do-jahaan hashr-e-zabaan-e-khushk hain juun shaana ham Kashti-e-aalam ba-toofaan-e-taghaaful de ki hain Aalam-e-aab-e-gudaaz-e-jauhar-e-afsaana ham Vahshat-e-be-rabti-e-pech-o-kham-e-hastee na poochh Nang-e-baaleedan hain juun moo-e-sar-e-deevaana ham