hai aarmiidagii men nikohish bajaa mujhe

Hai aarmeedagee men nikohish bajaa mujhe Sub.h-e-vatan hai khanda-e-dandaan-numaa mujhe DhoonDe hai us mughanni-e-aatish-nafas ko jee Jis kee sadaa ho jalva-e-barq-e-fanaa mujhe Mastaana tai karoon huun rah-e-vaadi-e-khayaal Taa baaz-gasht se na rahe mudda.aa mujhe Kartaa hai bas-ki baagh men too be-hijaabiyaan Aane lagee hai nik.hat-e-gul se hayaa mujhe Khultaa kisee pe kyuun mire dil kaa mo.aamla Sheron ke intikhaab ne rusvaa kiyaa mujhe Hai pech-taab rishta-e-sham-e-sahar-gahee Khajlat gudaazee-e-nafas-e-naa-rasaa mujhe Vaan rang-haa ba-parda-e-tadbeer hain hunooz Yaan shola-e-charaagh hai barg-e-hinaa mujhe Parvaaz-haa niyaaz-e-tamaashaa-e-husn-e-dost Baal-e-kushaada hai nigah-e-aashnaa mujhe Az-khud-guzashtagee men khamoshee pe harf hai Mauj-e-ghubaar-e-surma huee hai sadaa mujhe Taa chand past fitrati-e-tab-e-aarzoo Yaa rab mile bulandee-e-dast-e-duaa mujhe Yaan aab-o-daana mausam-e-gul men haraam hai Zunnaar-e-vaa-gusista hai mauj-e-sabaa mujhe Yakbaar imtihaan-e-havas bhee zaroor hai Ai josh-e-ishq baada-e-mard-aazmaa mujhe Main ne junoon se kee jo 'asad' iltimaas-e-rang Khoon-e-jigar men ek hee ghota diyaa mujhe