hai sabza zaar har dar o diivaar e gam kada

Hai sabza-zaar har dar-o-deevaar-e-gham-kada Jis kee bahaar ye ho phir us kee khizaan na poochh Naa-chaar bekasee kee bhee hasrat uThaa.iye Dushvaari-e-rah-o-sitam-e-ham-rahaan na poochh Juz dil suraagh-e-dard ba-dil-khuftagaan na poochh Aa.eena arz kar khat-o-khaal-e-bayaan na poochh Hindostaan saaya-e-gul paa-e-takht thaa Jaah-o-jalaal-e-ahd-e-visaal-e-butaan na poochh Parvaaz-e-yak-tap-e-gham-e-taskheer-e-naala hai Garmee-e-nabz-e-nabz-e-khaar-o-khas-e-aashiyaan na poochh Too mashq-e-baaz kar dil-e-parvaana hai bahaar Betaabee-e-tajallee-e-aatish-ba-jaan na poochh Ghaflat-mataa-e-kaffa-e-meezaan-e-adl huun Yaa rab hisaab-e-sakhti-e-khvaab-e-giraan na poochh Har daagh-e-taaza yak-dil-e-daagh intizaar hai Arz-e-fazaa-e-seena-e-dard imtihaan na poochh Kahtaa thaa kal vo mahram-e-raaz apne se ki aah Dard-e-judaa.i-e-'asad'-ullaah-khaan na poochh