hai vasl hijr aalam e tamkiin o zabt men

Hai vasl hijr aalam-e-tamkeen-o-zabt men Maashooq-e-shokh o aashiq-e-deevaana chaahiye Us lab se mil hee jaa.egaa bosa kabhee to haan Shauq-e-fuzool o jur.at-e-rindaana chaahiye Aashiq naqaab-e-jalva-e-jaanaana chaahiye Faanoos-e-sham.a ko par-e-parvaana chaahiye Paidaa karen dimaagh-e-tamaashaa-e-sarv-o-gul Hasrat-kashon ko saaghar-o-meenaa na chaahiye Deevaanagaan hain haamil-e-raaz-e-nihaan-e-'ishq Ai be-tameez ganj ko veeraana chaahiye Saaqee bahaar-e-mausam-e-gul hai suroor-bakhsh Paimaan se ham guzar ga.e paimaana chaahiye Jaada hai yaar kee ravish-e-guftugoo 'asad' Yaan juz fusoon naheen agar afsaana chaahiye