junuun kii dast giirii kis se ho gar ho na uryaanii

Junoon kee dast-geeree kis se ho gar ho na uryaanee Garebaan-chaak kaa haq ho gayaa hai meree gardan par Ba-rang-e-kaaghaz-e-aatish-zada nairang-e-betaabee Hazaar aa.eena dil baandhe hai baal-e-yak-tapeedan par Falak se ham ko aish-e-rafta kaa kyaa kyaa taqaazaa hai Mataa-e-burda ko samjhe hue hain qarz rahzan par Ham aur vo be-sabab ranj-aashnaa dushman ki rakhtaa hai Shuaa-e-mehr se tohmat nigah kee chashm-e-rauzan par Fanaa ko saunp gar mushtaaq hai apnee haqeeqat kaa Farogh-e-taala-e-khaashaak hai mauqoof gulkhan par 'asad' bismil hai kis andaaz kaa qaatil se kahtaa hai Ki mashq-e-naaz kar khoon-e-do-aalam meree gardan par Fusoon-e-yak-dilee hai lazzat-e-bedaad dushman par Ki vajd-e-barq juun parvaana baal-afshaan hai khirman par Takalluf khaar-khaar-e-iltimaas-e-be-qaraaree hai Ki rishta baandhtaa hai pairahan angusht-e-sozan par Ye kyaa vahshat hai ai deevaane pesh-az-marg vaavailaa Rakkhee be-jaa binaa-e-khaana-e-zanjeer-e-shevan par