kare hai baada tire lab se kasb e rang e farog
— Mirza Ghalib
Kare hai baada tire lab se kasb-e-rang-e-farogh
Khat-e-piyaala saraasar nigaah-e-gul-cheen hai
Kabhee to is dil-e-shoreeda kee bhee daad mile
Ki ek umr se hasrat-parast-e-baaleen hai
Bajaa hai gar na sune naala-haa-e-bulbul-e-zaar
Ki gosh-e-gul nam-e-shabnam se pamba-aageen hai
'asad' hai naza.a men chal bevafaa baraa-e-khudaa
Maqaam-e-tark-e-hijaab o vidaa-e-tamkeen hai