koii ummiid bar nahiin aatii

Koee ummeed bar naheen aatee Koee soorat nazar naheen aatee Maut kaa ek din muayyan hai Niind kyuun raat bhar naheen aatee Aage aatee thee haal-e-dil pe hansee Ab kisee baat par naheen aatee Jaantaa huun savaab-e-taa.at-o-zohd Par tabee.at idhar naheen aatee Hai kuchh aisee hee baat jo chup huun Varna kyaa baat kar naheen aatee Kyuun na cheekhoon ki yaad karte hain Meree aavaaz gar naheen aatee Daagh-e-dil gar nazar naheen aataa Boo bhee ai chaaraa-gar naheen aatee Ham vahaan hain jahaan se ham ko bhee Kuchh hamaaree khabar naheen aatee Marte hain aarzoo men marne kee Maut aatee hai par naheen aatee Kaa'ba kis munh se jaaoge 'ghaalib' Sharm tum ko magar naheen aatee