kyuun na ho chashm e butaan mahv e tagaaful kyuun na ho
— Mirza Ghalib
Kyuun na ho chashm-e-butaan mahv-e-taghaaful kyuun na ho
Yaa'nee us beemaar ko nazzaare se parhez hai
Marte marte dekhne kee aarzoo rah jaa.egee
Vaa.e naa-kaamee ki us kaafir kaa khanjar tez hai
'aariz-e-gul dekh roo-e-yaar yaad aayaa 'asad'
Joshish-e-fasl-e-bahaaree ishtiyaaq-angez hai
Dil saraapaa vaqf-e-saudaa-e-nigaah-e-tez hai
Ye zameen misl-e-neestaan sakht naavak-khez hai
Ho sake kyaa khaak dast-o-baazoo-e-farhaad se
Besitoon khvaab-e-giraan-e-khusrav-e-parvez hai
Un sitam-keshon ke khaa.e hain zi-bas teer-e-nigaah
Parda-e-baadaam yak ghirbaal-e-hasrat-bez hai
Khoon-chakaan hai jaada maanind-e-rag-e-saudaa.iyaan
Sabza-e-sahraa-e-ulfat nashtar-e-khoon-rez hai
Hai bahaar-e-tez-rau gulgoon-e-nik.hat par savaar
Yak- shikast-e-rang-e-gul sad-jumbish-e-mahmez hai