saraapaa rehn e ishq o naa guziir e ulfat e hastii
— Mirza Ghalib
Saraapaa rehn-e-ishq-o-naa-guzeer-e-ulfat-e-hastee
'ibaadat barq kee kartaa huun aur afsos haasil kaa
Ba-qadr-e-zarf hai saaqee khumaar-e-tishna-kaamee bhee
Jo too dariyaa-e-mai hai to main khamyaaza huun saahil kaa
Zi-bas khoon-gashta-e-rashk-e-vafaa thaa vahm bismil kaa
Churaayaa zakhm-haa-e-dil ne paanee tegh-e-qaatil kaa
Nigaah-e-chashm-e-haasid vaam le ai zauq-e-khud-beenee
Tamaashaa.ee huun vahdat-khaana-e-aa.eena-e-dil kaa
Sharar-fursat nigah saamaan-e-yak-aalam charaaghaan hai
Ba-qadr-e-rang yaan gardish men hai paimaana mahfil kaa
Saraasar taakhtan ko shash-jihat yak-arsa jaulaan thaa
Huaa vaamaandgee se rah-ravaan kee farq manzil kaa
Mujhe raah-e-sukhan men khauf-e-gum-raahee naheen ghaalib
Asaa-e-khizr-e-sahraa-e-sukhan hai khaama be-dil kaa