shab ki barq e soz e dil se zahra e abr aab thaa

Shab ki barq-e-soz-e-dil se zahra-e-abr aab thaa Sho.ala-e-javvaala har yak halqa-e-girdaab thaa Vaan karam ko uzr-e-baarish thaa inaan-geer-e-khiraam Girye se yaan pumba-e-baalish kaf-e-sailaab thaa Vaan khud-aaraa.ee ko thaa motee pirone kaa khayaal Yaan hujoom-e-ashk men taar-e-nigah naayaab thaa Jalva-e-gul ne kiyaa thaa vaan charaaghaan aabjoo Yaan ravaan mizhgaan-e-chashm-e-tar se khoon-e-naab thaa Yaan sar-e-pur-shor be-khvaabee se thaa deevaar-joo Vaan vo farq-e-naaz mahv-e-baalish-e-kim-khvaab thaa Yaan nafas kartaa thaa raushan sham-e-bazm-e-be-khudee Jalva-e-gul vaan bisaat-e-sohbat-e-ahbaab thaa Farsh se taa 'arsh vaan toofaan thaa mauj-e-rang kaa Yaan zameen se aasmaan tak sokhtan kaa baab thaa Naa-gahaan is rang se khoonaaba Tapkaane lagaa Dil ki zauq-e-kaavish-e-naakhun se lazzat-yaab thaa Shab ki zauq-e-guftugoo se teree dil betaab thaa Shokhee-e-vahshat se afsaana fusoon-e-khvaab thaa Le zameen se aasmaan tak farsh thiin betaabiyaan Shokhee-e-baarish se mah favvaara-e-seemaab thaa Vaan hujoom-e-naghma-haa.e saaz-e-ishrat thaa 'asad' Naakhun-e-gham yaan sar-e-taar-e-nafas mizraab thaa