shab ki vo majlis faroz e khalvat e naamuus thaa

Shab ki vo majlis-faroz-e-khalvat-e-naamoos thaa Rishta-e-har-sham.a khaar-e-kisvat-e-faanoos thaa Mash.had-e-aashiq se koson tak jo ugtee hai hinaa Kis qadar yaa-rab halaak-e-hasrat-e-paa-bos thaa Haasil-e-ulfat na dekhaa juz-shikast-e-aarzoo Dil-ba-dil paivasta goyaa yak lab-e-afsos thaa Kyaa kahoon beemaaree-e-gham kee faraaghat kaa bayaan Jo ki khaayaa khoon-e-dil be-minnat-e-kaimoos thaa But-parastee hai bahaar-e-naqsh-bandee-haa-e-dahr Har sareer-e-khaama men yak naalaa-e-naaqoos thaa Tab' kee vaashud ne rang-e-yak-gulistaan gul kiyaa Ye dil-e-vaabasta goyaa baiza-e-taa.oos thaa Kal 'asad' ko ham ne dekhaa gosha-e-gham-khaana men Dast-barsar sar-ba-zaanoo-e-dil-e-maayoos thaa