surma e muft e nazar huun mirii qiimat ye hai

Surma-e-muft-e-nazar huun miree qeemat ye hai Ki rahe chashm-e-khareedaar pe ehsaan meraa Rukhsat-e-naala mujhe de ki mabaadaa zaalim Tere chehre se ho zaahir gham-e-pinhaan meraa Khalvat-e-aabila-e-paa men hai jaulaan meraa Khuun hai dil tangi-e-vahshat se bayaabaan meraa Zauq-e-sarshaar se be-parda hai toofaan meraa Mauj-e-khamyaaza hai har zakhm numaayaan meraa 'aish-baazee-kada-e-hasrat jaaved-rasaa Khoon-e-aadeena se rangeen hai dabistaan meraa Hasrat-e-nashsha-e-vahshat na ba-sa.i-e-dil hai Arz-e-khamiyaaza-e-majnoon hai garebaan meraa 'aalam-e-be-sar-o-saamaanee-e-fursat mat poochh Langar-e-vahshat-e-majnoon hai bayaabaan meraa Be-dimaagh tapish-e-rashk huun ai jalva-e-husn Tishna-e-khoon-e-dil-o-deeda hai paimaan meraa Fahm zanjeeree-e-be-rabtee-e-dil hai yaa-rab Kis zabaan men hai laqab khvaab-e-pareshaan meraa Ba-havas-e-dard-e-sar-e-ahl-e-salaamat taa-chand Mushkil-e-ishq huun matlab naheen aasaan meraa Boo-e-yoosuf mujhe gulzaar se aatee thee 'asad' Dai ne barbaad kiyaa pairahanistaan meraa