tum apne shikve kii baaten na khod khod ke puuchho

Tum apne shikve kee baaten na khod khod ke poochho Hazar karo mire dil se ki is men aag dabee hai Dilaa ye dard-o-alam bhee to mughtanim hai ki aakhir Na girya-e-saharee hai na aah-e-neem-shabee hai Nazar ba-naqs-e-gadaayaan kamaal-e-be-adabee hai Ki khaar-e-khushk ko bhee daavaa-e-chaman-nasabee hai Huaa visaal se shauq-e-dil-e-harees ziyaada Lab-e-qadah pe kaf-e-baada josh-e-tishna-labee hai Khushaa vo dil ki saraapaa tilism-e-be-khabaree ho Junoon o yaas o alam rizq-e-mudda.aa-talabee hai Chaman men kis ke ye barham hui hai bazm-e-tamaashaa Ki barg barg-e-saman sheesha reza-e-halabee hai Imaam-e-zaahir-o-baatin ameer-e-soorat-o-ma.anee 'alee' valee asadullaah jaanasheen-e-nabee hai